2012-08-08

"Sortuko dira besteak" irailan gure Getxo Folk Jaialdian

Gure Getxo Folk Jaialdiak, munduko musiken talde eta abeslari esanguratsuenak Getxora ekartzea lortzen badu, eta hori dela eta referente garbia dugu jaialdia Euskal-Herrian, euskal musika ere beti dago presente eta ez bakarrik presente, protagonismo inportantea hartzen du jaialdian.

Beraz aurtengo edizioa ez da salbuespena izango eta tradizioa denez, berriz ere gure musikaren adierazpen garrantsitzuaz gozatzeko aukera izango dugu.

Horiek horrela, alde batetik Mikel Urdangarin etorriko da berriz gurekin egoteko, kasu honetan Cristina Pato, musikari galizarrarekin (irailaren 6an), eta bestaldetik, "Sortuko dira besteak", Xabier Lete omentzeko antolatutako ekimenaz gozatzeko aukera eukiko dugu ere, (irailaren 9an)bertan Pier Paul Berzait, Petti eta Mikel Urdangarin kantautore, Arantza Irazusta mezzosopranoa, Eñaut Elorrieta (Ken Zaspi), Alex Sardui (Gatibu) musikariak eta Amets Arzallus bertsolaria parte hartuko dutelarik.

Beraz, animatu zaitez eta gorde zure iraileko agendan,Getxora etortzeko tokia, merezi bait du!!